A ke menduar ndonjëherë të përmirësosh izolimin e shtëpisë tënde apo të instalosh panele solare për të kursyer në faturat e energjisë?

Falë partneritetit të bankës ProCredit me programin GEFF (Programi Kreditor për Financimin e Ekonomisë së Gjelbër) të BERZH-it, ti mund ta realizosh këtë dhe të kursesh deri në 20%!

Si ta bëni këtë?

1. Së pari, apliko për një kredi për renovime apo investime të gjelbra në bankën ProCredit: https://procreditbank-kos.com/shq/apliko-online/klient-privat/kredi-per-renovimeinvestive/.

2. Për t’u siguruar se mund të përfitosh nga ky grant, është thelbësore që të zgjedhësh teknologjitë efiçiente që plotësojnë standardet e performancës së BERZH-it të vendosura për GEFF në Kosovë: http://technology-xk.ebrdgeff.com/.

3. E nëse të gjitha këto i ke në rregull, ti mund të fitosh deri në 20% kthim të vlerës së kredisë tënde! Kjo është një mundësi e shkëlqyer për të përmirësuar kushtet e jetesës dhe për të kursyer shuma të konsiderueshme në fatura.
   Shiko sa kursen konkretisht këtu: https://calculator-wb.ebrdgeff.com/#/Kosovo/alb/.

Llojet e Investimeve/Renovimeve

Renovimi i dyerve të jashtme dhe dritareve

Dritaret dhe dyert e dobëta nuk të prishin vetëm gjumin. Ato të shkaktojnë humbje të ngrohjes gjatë dimrit dhe lejojnë hyrjen e nxehtësisë gjatë verës. Zëvendësimi i tyre me teknologjitë efiçiente që programi GEFF rekomandon si dritaret me xham të dyfishtë është vendimi më i mirë që mund të marrësh drejt krijimit të një mjedisi të shëndetshëm në shtëpinë tënde. Jo vetëm që përmirëson efiçiencën energjetike, por gjithashtu parandalon përhapjen e lagështirës dhe mykut, që janë të dëmshme për shëndetin.

Izolimi i Mureve, Kulmit apo Dyshemesë

Ndërtimet e vjetra ku muret, dyshemeja ose kulmi nuk janë të izoluara, funksionojnë si termos i prishur. Ato lëshojnë nxehtësinë e cila duhet të rri brenda gjatë dimrit si dhe lejojnë vapën e verës të hy brenda. Një investim në izolimin e tyre jo vetëm që përmirëson rehatinë tënde dhe të familjes tënde, por gjithashtu ul ndjeshëm koston e energjisë.

Panelet Solare

Investimi në panele solare mund t'ju kursejë deri në 86% të faturave të energjisë elektrike. Si një burim i qëndrueshëm dhe i pastër i energjisë që të ndihmon në uljen e varësisë nga burimet tradicionale të energjisë, panelet solare janë e ardhmja!

Pompa e Nxehtësisë (Pompa Termike)

Pompat e nxehtësisë janë një zgjidhje efiçiente dhe e qëndrueshme për ngrohjen dhe ftohjen e shtëpisë tënde. Ato funksionojnë duke transferuar nxehtësinë nga ajri, toka ose uji në ambientin e brendshëm, duke përdorur një cikël ftohës. Këto pajisje mund të kursejnë ndjeshëm energjinë elektrike dhe të ulin koston e ngrohjes në shtëpinë tënde, duke u bërë një alternativë e shkëlqyer ndaj sistemeve tradicionale të ngrohjes.
 

Kaldaja me Biomasë (Pelet)

Kaldajat me biomasë përdorin materiale natyrore si peleti i drurit për të prodhuar  nxehtësi. Ato janë një opsion efikas dhe i pastër për ngrohjen e shtëpisë dhe ujit të ngrohtë shtëpiak. Kaldajat me pelet janë të njohura për efikasitetin e tyre të lartë dhe për faktin se përdorin burime të ripërtrishme, duke kontribuar në reduktimin e emetimeve të CO₂ dhe në mbrojtjen e mjedisit.

Reduktimi i dioksidit të karbonit

Nëse ti vendos të bësh një investim të tillë, ti ke hedhur hapin e duhur drejt një të ardhmeje më të gjelbër dhe më të pastër, duke kontribuar në kursim të energjisë dhe përdorim më efiçient të burimeve fosile, çka ndihmon drejtpërdrejt në zvogëlimin e emetimeve të CO₂.

Bëje shtëpinë efiçiente, me bankën ProCredit!

Shembulli për orientim: