Sistemi i Brendshëm i Menaxhimit Mjedisor

Sistemi i brendshëm i menaxhimit mjedisor ka për qëllim përmirësimin e performancës së brendshme mjedisore të bankës, siç është investimi në infrastrukturën e degëve të bankës për shfrytëzimin efiçient të energjisë, duke zvogëluar kështu shpenzimet e rrymës dhe karburanteve, shfrytëzimin e ujit, përdorimin e  materialeve të letrës, plastikës etj. dhe duke u fokusuar në riciklimin e tyre.

Sistemi i brendshëm funksionon falë:

  • Zbatimit të masave të efiçiencës së energjisë, si në aspektin teknik, ashtu edhe në atë të sjelljes së stafit ndaj këtyre burimeve 
  • Përcaktimit të objektivave për të reduktuar lirimin e gazrave serrë si pasojë e aktiviteteve tona bankare
  • Rritjen e vazhdueshme të nivelit të vetëdijesimit dhe njohurive të stafit rreth mjedisit 
  • Respektimin e standardeve dhe rregulloreve mjedisore lokale dhe ndërkombëtare
  • Vlerësimin e qëndrueshmërisë së praktikave të biznesit të furnitorëve, përveç angazhimit në mënyrë aktive në bisedime për të rritur vetëdijesimin e tyre dhe për të përmirësuar ndikimin e tyre mjedisor dhe social; angazhimi për të punuar me furnitorë që operojnë në përputhje me standardet mjedisore dhe sociale që janë përcaktuar nga Banka ProCredit

Çfarë kemi bërë saktësisht si ProCredit në Kosovë?

Investimi në Parkun solar ProEnergy në Kosovë

Ky projekt, në vitin 2024 ka gjeneruar 4,237 MWh energji elektrike, që është e barabartë me energjinë elektrike që konsumojnë rreth 500 familje.

Flota e veturave

Flota jonë e veturave përbëhet 96% nga veturat plug-in hibride, hibride dhe elektrike. Objektivi i Bankës ProCredit është që deri në vitin 2027 të gjitha automjetet të jenë 100% elektrike.

Panelet solare në degët tona

Kemi investuar në sisteme fotovoltaike të cilat kompensojnë një pjesë të konsiderueshme të faturës së energjisë elektrike për zyrën tonë qendrore dhe njërën nga degët tona, me kapacitet 39.4 kWp.

100% letër të ricikluar

Kemi ulur në mënyrë të dukshme përdorimin e letrës duke investuar në teknologji të nënshkrimit digjital. Gjithashtu, ne kemi normë 100% të riciklimit të letrës.

Zvoglimi i konsumit të ujit

Kemi zvogëluar konsumin e ujit duke investuar ne pajisje efiçiente si dhe në pajisje të mençura për monitorimin e sasisë se ujit të shfrytëzuar, duke ndikuar kështu edhe në ngritje të vetëdijes së stafit tonë.

Mbushësit e veturave elektrike

Kemi mundësuar infrastrukturë për mbushjen e veturave elektrike edhe për publikun e gjerë, duke investuar në stacione elektrike në tërë Kosovën.

Standardi EDGE

Banka ProCredit e Kosovës është certifikuar me standardin EDGE Advanced për ndërtesa të gjelbra. Ne jemi banka e parë në Kosovë që merr një certifikatë të tillë.

A e dini se?

Të gjitha kartelat e Bankës ProCredit janë të prodhuara nga materiali organik, dorëzohen tek klientët me veturë elektrike dhe janë të vendosura në zarf nga materiali i ricikluar. 

Zgjedhja jote për të përdorur kartelat e reja të Bankës ProCredit tregon përfshirjen tënde në mbrojtjen e mjedisit, pasi materiali organik zvogëlon ndikimin negativ të plastikës, përdorimi i veturës elektrike ulë ndotjen e ajrit, ndërsa materiali i ricikluar pakëson nevojën për shfrytëzim te burimeve natyrore.