Integrimi i shërbimit e-Commerce të ProCredit Bank Kosova mund të realizohet për subjektet juridike dhe sipërmarrësit të cilët janë të regjistruar dhe operojnë si biznese në Republikën e Kosovës, dhe që posedojnë ueb-faqe apo aplikacion mobil si kanal digjital për të ndërvepruar me klientelën e tyre.

Aktivizimi i shërbimit e-Commerce duhet të kalojë përmes filtrave proceduralë të bankës, me ç’rast klienti fillimisht përfundon aplikimin, pasi që të nënshkruhen marrëveshjet relevante, atëherë do t’ju krijohet ambienti testues, deri në konfirmimin e standardeve nga ana e bankës për tregtarin që të jetë plotësisht i gatshëm ta ofrojë shërbimin e-Commerce për klientët e tij.

Për implementimin e shërbimit e-Commerce, banka posedon të gatshme “plugins” për: OpenCart, Joomla, Drupal,C#, JavaScript dhe Woocommerce. Këto mund të shërbejnë si bazë për zhvilluesit që ta integrojnë këtë shërbim edhe në platformat e tjera.

Shërbimi e-Commerce i ofruar nga ProCredit Bank Kosova është i zhvilluar dhe i mirëmbajtur me standardet ndërkombëtare të Visa dhe Mastercard, ku zbatohen me përpikëri të gjitha kërkesat e sigurisë së pagesave dhe transaksioneve me kartela, duke përfshirë ato 3D Secure Standard, dhe jo vetëm.

Po, patjetër. Përgjatë gjithë procesit të implementimit, do të jeni në kontakt me përfaqësuesit e Departamentit të Kanaleve Digjitale dhe Përkrahjes së Biznesit si dhe me ekipin teknik implementues, ku mund të kontaktoni përmes email-it, numrave të telefonit, si dhe video-thirrjeve nëpërmjet platformës MS Teams. 

Pasi që të integrohet me sukses shërbimi e-Commerce në ueb-faqen apo aplikacionin tuaj mobil, do t’ju krijohet qasja për në e-Commerce Merchant Portal prej ku do t’i monitoroni dhe menaxhoni të gjitha transaksionet në terminalin e-Commerce, ku ndër të tjera, janë dhe opsionet për të realizuar rimbursimin për klientët në rast se është nevoja.

Zhvillimi dhe implementimit i shërbimit është kompetencë e biznesit aplikues. Integrimi duhet të bëhet nga zhvilluesit apo nga kompania e kontraktuar për ta përfunduar këtë projekt. Mirëpo, gjatë procesit implementues, ProCredit Bank Kosova ka ekipin e dedikuar qe t’i ndihmojë zhvilluesit gjatë gjithë këtij procesi.