Shfrytëzo fuqinë e diellit

Parku solar prej 3 MWp i grupit ProCredit është një fener shprese për një të ardhme më të pastër dhe më të qëndrueshme. Duke shfrytëzuar fuqinë e diellit, komuniteti lokal do të përfitojë nga një burim i besueshëm i energjisë së pastër, duke e zvogëluar kështu varësinë nga lëndët djegëse fosile dhe, rrjedhimisht, emetimet e gazrave serrë.

Energjia e pastër sot, për një të ardhme më të gjelbër nesër.

Përfitimet

  • Zvogëlimi i nevojës për burime jo të ripërtëritshme të energjisë përmes prodhimit vjetor të energjisë prej 3,711 MWh
  • Luftimi i ndryshimeve klimatike përmes zvogëlimit të gjurmës së karbonit
  • Ndikim minimal në mjedis – pa ndotje akustike, pa ndotje të ajrit dhe pa ndryshim të destinimit të tokës
  • Përfitime ekonomike për komunitetin, duke përfshirë krijimin e vendeve të punës, uljen e kostove të energjisë dhe rritjen e vlerës së pronës
  • Fuqizimi i ekspertizës dhe njohurive teknike të furnitorëve dhe partnerëve lokalë
  • Shërben si model për këtë lloj investimi në sektorin privat
  • Siguria energjetike dhe pavarësia nga burimet e energjisë jo të ripërtëritshme

Energjia e pastër që fuqizon të ardhmen

Duke investuar në ProEnergy, po kontribuojmë në krijimin e një të ardhmeje të qëndrueshme për Kosovën. Për më tepër, përmes energjisë së pastër, po e mbrojmë mjedisin tonë dhe po promovojmë progresin social dhe ekonomik. Bashkohu me ne në misionin tonë për të arritur një të ardhme më të gjelbër dhe më të qëndrueshme!

Për të mësuar më shumë rreth qasjes së Bankës ProCredit ndaj bankimit të përgjegjshëm, shikoni:

IMPACT REPORT

Rreth investimit

Investitorët: ProCredit Holding AG & Co. KGaA dhe Banka ProCredit Kosovë

Vendndodhja: Grackë e Vjetër, Lipjan 

Të dhënat e performancës: Prodhim vjetor prej 3,711 MWh (i barasvlershëm me energjinë elektrike që konsumojnë 450 familje në vit)

Kapaciteti: 3 MWp

Afati kohor i përgjithshëm i projektit: 

  • Fillimi i planifikimit të projektit: 2019
  • Koha totale e ndërtimit me të gjitha materialet në vendpunishte: 3 muaj
  • Pranimi i lejes së operimit nga Komuna e Lipjanit: qershor 2023
  • Fillimi i fazës së testimit: qershor 2023
  • Përurimi: 5 korrik 2023
  • Dita e parë e funksionimit: 14 korrik 2023

  • Panelet solare: module fotovoltaike (FV) monokristaline AE Solar të tipit AE550MD-144, me qeliza gjysmë të prera, monofaciale, me fuqi maksimale nominale 550 Wp dhe efiçiencë 21%
  • Invertorët: Invertorët solarë Kaco Blueplanet 105TL3, me fuqi nominale AC prej 100 kVA
  • Sistemi i montimit: sistem i strukturës montuese Kirac me kënd fiks – strukturë me 2 shtylla dhe rresht me 4 panele, me vendosje horizontale të moduleve dhe pjerrësi 20°
  • Nënstacioni: sistem i brendshëm me kapacitet transformatori 2*1.6 MVA dhe nivel tensioni 10 kV
  • Pajisja ndërprerëse: Uinsec ABB 24 kV
  • Detajet e linjës kabllore: Linjë kabllore nëntokësore 3x150 mm2, 12/20 (24) kV (N)A2XS(F)2Y e lidhur me nënstacionin e Lipjanit përmes një traseje me gjatësi 6.5 km

Kush janë investitorët?

ProCredit Holding AG & Co. KGaA – Me seli në Frankfurt am Main, Gjermani, ProCredit Holding AG & Co. KGaA është kompania amë e grupit ProCredit, i cili është i orientuar drejt zhvillimit dhe përbëhet nga banka komerciale për ndërmarrje të vogla dhe të mesme (NVM) dhe individë privatë. Krahas fokusit të tij operacional në Evropën Juglindore dhe Lindore, grupi ProCredit është aktiv edhe në Amerikën e Jugut dhe në Gjermani. Grupi ProCredit i vlerëson vazhdimisht veprimet dhe vendimet e veta, jo vetëm nga këndvështrimi i përfitimit dhe nevojave të klientëve të saj, por edhe mbi të gjitha, kundrejt ndikimit të mundshëm që këto veprime dhe vendime kanë në shoqëri dhe mjedis.

Për informata shtesë, përfshirë Raportin më të fundit të ndikimit të grupit dhe rezultatet e tij financiare, vizitoni: www.procredit-holding.com