Programi Go Digital
Programi “Go Digital in the Western Balkans” mbështet mikro, bizneset e vogla dhe të mesme në Kosovë që dëshirojnë të investojnë në digjitalizim, automatizim, inovacion, rritje të konkurrueshmërisë dhe teknologji të gjelbra.
Ky program është krijuar nga Banka Evropiane për Rindërtim dhe Zhvillim (BERZH), në partneritet me Bashkimin Evropian (BE), me qëllim të rritjes së kapaciteteve dhe qëndrueshmërisë së bizneseve përmes qasjes më të lehtë në financim dhe shfrytëzimit më të madh të teknologjive digjitale dhe moderne.
Çfarë ofron programi?
• Financim të dedikuar për investime në digjitalizim, automatizim dhe modernizim të proceseve të biznesit.
• Mundësi për rritjen e produktivitetit, efikasitetit operativ dhe konkurrueshmërisë.
• Mbështetje për investime që ndikojnë në përmirësimin e standardeve të cilësisë, menaxhimit dhe teknologjisë.
• Asistencë teknike përmes konsulentëve të programit, sipas kushteve të përcaktuara nga BERZH-i.
Grantet e BE-së
• Grant prej 10% për investime në digjitalizim, automatizim dhe teknologji të gjelbra që rrisin konkurrueshmërinë e biznesit.
• Granti përfitohet pas përfundimit të suksesshëm dhe verifikimit të investimit sipas kritereve të programit.
Kushtet e kredisë
• Maturiteti minimal: 36 muaj.
• Maturiteti maksimal: 84 muaj.
• Shuma maksimale në kuadër të programit: 1,000,000 EUR.
• Shumat mbi këtë vlerë mund të financohen përmes kredive standarde të bankës.
Kush mund të aplikojë?
• Mikro, biznese të vogla dhe të mesme (MSME/SME) që plotësojnë kriteret e pranueshmërisë së programit.
• Biznese që operojnë në Kosovë dhe kanë nevojë për investime në digjitalizim, automatizim, inovacion apo teknologji që rrisin konkurrueshmërinë.
• Biznese që planifikojnë të modernizojnë pajisjet, proceset, sistemet apo mënyrën e ofrimit të produkteve dhe shërbimeve.
Cilat investime kualifikohen?
Pajisje për prodhim/proces
• Sisteme transporti.
• Makineri për prodhim automatik.
• Pajisje për inspektim të cilësisë.
• Sisteme për montim automatik.
• Robotë bashkëpunues (cobots).
• Automjete të udhëhequra në mënyrë autonome (AGV).
• Sensorë të mençur.
Pajisje bujqësore
• Robotë bujqësorë.
• Sisteme për mjelje automatike.
• Pajisje për monitorim të bagëtive.
Pajisje mjekësore me teknologji të avancuar si:
• AI.
• IoT.
• Robotikë.
• Analitikë të të dhënave – për kujdes më të saktë dhe efikas ndaj pacientëve.
Pse ia vlen?
• Rritja e efikasitetit dhe produktivitetit të biznesit.
• Ulja e kostove operative përmes automatizimit dhe përmirësimit të proceseve.
• Përmirësimi i cilësisë së produkteve dhe shërbimeve.
• Rritja e konkurrueshmërisë në tregun vendor dhe rajonal.
• Modernizimi i biznesit në përputhje me standardet dhe praktikat bashkëkohore.
• Mundësia për të përfituar mbështetje stimuluese pas përfundimit të suksesshëm të projektit.
Kriteret e financimit
• Fondet duhet të përdoren vetëm për financimin e nën-kredive që përputhen me kriteret e programit.
• Investimet duhet të lidhen me projekte që rrisin digjitalizimin, automatizimin, inovacionin, konkurrueshmërinë apo përdorimin e teknologjive moderne dhe të gjelbra.
• Projektet duhet të jenë në përputhje me kërkesat mjedisore dhe sociale të BERZH-it.
• Nuk lejohen investime në aktivitete të përjashtuara sipas listës së BERZH-it për aktivitete mjedisore dhe sociale të papranueshme.
